Des wos da Heidegga Martl gmoant hod
is des, ob des wos wos is
des is, wos is
oda ob des, wos wos is
mehra is ois des wos is
wei wann wos is
is mehra ois wos is.
I moan dass des wos is wos is
wei I woas dass wos is
und des is des wos mehra is ois des wos is.
Bild: Marianne Mairhofer
Wei warad des wos
wann i ned wissat wos des is?
Des woaß koana
außa dass er nachad wissat
dass des wos is
und des warat dann mehra ois des wos is.
Des wos is is imma des wos i woas wos is
des wos i ned woas wos is, is ned des wos is woaß wos is
des san zworaloa Wos.
Jetza wann i woas wos wos is von dem wos i davor ned gwußt hob
des is jetza mehra ois des, wos i zerscht ned gwußt hob.
Jetzad aufbaßt: wenn i ois wos i woas auf oa moi woas
is a zworaloar und quasi mehra worn ois davoa
des is nämli des wos is, des da Heidegga Martl des Odenga gnannd hod.