Swatt un Witt or En groot Sensatschon

Barbara läänt sick torüch. Eer Oogen doon wee vun`t vääle Sitten an de Schriewdisch, vun´t lääsen, vun´t richdige formuleern un schwriewen. Awer se müss förankååmen. Dor sünd all so vääle Lääwensbeschriewungen op´n Markt, awer ditt schull nu de eersde sülms schrääwene Book öwer eer und eer Amtstied warrn. Dor schull allns in ståån, watt in är Tied as Präsidentin passeert weer.

Barbara grien blied in sick rin, as se doran trüchdachte, dat se to´n Präsidentin kört wurrn weer. Klåår, een påår Mannslüüd harrn sick hier un dor op de Welt dörsett, so wiet weer de mit de Emazipatschon vun de Kerle all kååmen. Awer as Witte in´t Witte Huus intotrecken, datt weer all een Sensatschon!

Mit Dank dach se an de grooten Mitstrieder trüch, de een påår Jåårhunnerte bruukt harrn, eer de Wech ääben to mååken. Barbara dach an de bloodige Wittenopstand in de Söbendiger Jåårn vun´t förlägen Jåårduusend. Un vääl frööer de Befriiung un Gliekberechdigung vun de witten Slååwen. Witte Helden as Martha Luther Kong un lååter Nelly Candela harr se dat to fördanken, dat dat Seggen vun de Swatten toletzt brååken wurr. Twår muss se as Präsidentin datt jümmers wedder tolåten, dat de een oder annere vun de Mannslüüd in de Herrschupp vun de Fruuns inbräken kunn. Anners weer datt uk good för dat Immitsch, wenn sick een lütte Männerandeel op de Scheffstööle breed mååken deen. Awer dat kunn duurn, bitt datt faste Regeln gääben wurr, de de Männer een Rech op een Sitt in de böberste Reegen garanteern deen.

Marten Petersen - Swatt un Witt

Zeichnung: Rolf Hannes

Barbaras Gedanken dreeben af. Henn un wedder harr de Gliekstellung vun de Männer sick in de Sellschupp doch dörsett. Ton Bispill in de Sport. Harr man fröer geern de witte Mannslüüd as Caddy biet Golfen mitnååm, so harr datt nu sogåår een Witte schaff, an de Weltspitz to kååmen. Tiger Foods harr dormit all Milljonen Dollars wunnen. Annersiets weer datt jümmers noch schååd, datt de Swatten de Tennissport fullständig anföörden. De Witten harrn dor nix in de Supp to krömeln.

De dubbelte Emazipatschon harrn bloots wänige Minschen schaffd. Barbara muss een Tiedlang nådenken, bitt se passende Bispille funnen harr. Doch, bi de Film. Tänzel Chicago weer as Witte ganz groot ruutkååmen. Un uk in de Popmusik. Disse witte Musik weer eegendli een meer stifmüdderli wornååmne Musikrichdung, de swatte Jäss dorgegen wurr op de Welt öwerweegend späält. Awer Michael Johnson harr dat trots sien Huudfarv schafft, ganz nå bååben to kååmen, harr sogår försöcht, sienn witte Huud swatt to kriegen. Eenfach ton Höögen!

De Öllerspräsidentin håål deep Luff. Se wuss, de Tied leet sick nich ophoolen. Eenmål wurr de Tied kååmen, un de Ünnerscheede twischen Manns- un Fruunslüüd eenersiets und Swatte un Witte annersiets würr datt nich meer gääben. Awer Barabara wuss uk, datt de Swatten datt nich so eenfach akzepteern kunnen. Se wurrn allns doon, datt to verhinnern und ruut to schuuben. Wer wuss, wofääl Minschen to Schååden un uk to Doode kååmen wurrn.

Dieser Beitrag wurde unter Allgemein abgelegt und mit , , , , verschlagwortet. Setze ein Lesezeichen auf den Permalink.

1 Antwort zu Swatt un Witt or En groot Sensatschon

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.