Uppem Buurenhuaf fänget dai nigge Knecht aan. Dai Buur weyset iäme, bo et bat te arben gitt: up diär Diäle, imme Stall, inner Schüüre, uppem Balken un uppen Fellern. Dai Buer sieht nit viel. Borümme auk? Dai Knecht wait, bat up Hüäben te dauen is. Hai hiät doo all viele Joore earbet.
Am Enge weyset dai Buer diäm Knecht seyne Schloopkaamer üöber diän Göilen. Dai Knecht nucket. As hai in seyne Stuabe gooen well, bleybet dai Buer in diär Dööre stooen. „Bat iek nau sehen woll. Iek sin kenn Mann van vielen Wooren. Bann iek sau maake“, doo winket hai bey mië diär Hand, dat dai Knecht tau iäme kuumen soll, „hätt dat: Kuum!“
„Dat driepet siek“, gitt dai Gehülpe trügge un krasset siek am Ees. „Iek sin auk nit ne Keerl van vielen Wooren. Bann iek sau maake“, doo schürrelt hai doitlik bey mië seynem Kopp, „hätt dat: Iek kuume nit!“ Gett in seyne Kaamer un schlätt diäm Buuren de Dööre vüör diär Noose tau.
3 Antworten zu Kenn Mann van vielen Wooren