Diän Spieß rümmedräggen

Römiske Saldooten mochten ungerwiägens ümmer ne Haupen Tuigs mië siek rümmeschliepen. Sai drofften ennen fastehallen, dai iäne taufällig üöbern Wiäg leep. Doonoo lachten se iäme dat schwoore Tuig, bat se vüörn Kreyg bröikeren, up de Schullern. Bat blief sau nem aarmen Keerl üöbrig? Hai mochte aine Maile vüör diän Saldooten de Brocken dreeen, oone doo Geld vüör te kreygen, verstött siek. Aine Maile, nit meer, dat harren dai Üöbersten van diän Römern fastelacht.


Zeichnung: Rolf Hannes

Sau is dat. Bai dat Sehen hiät, siet, bo et langgett. Un bai nix te sehen hiät, mott dainen. Dat wuur all ümmer sau. Öbber mott dat auk sau bleyben?

Böi et anners gett, weert van Jesus vertallt. Dai gaffte diän Lüen ümme siek rümme ne Root, böi se diän Spieß ümmedräggen konnt: „Bann dey en Saldoot seyne Saaken upbanset un döi diek aine Maile mië diäm Tuig aabequiält hiäst, siech ainfach, dat döi seyne Brocken nau aine Maile widderschliepen wässt.“ Bat nöi? Blauß aine Maile kann dai Saldoot seyn Tuig annern up de Schullern lehen. Twai Mailen draff hai doo kennen tau twingen, süss kritt hai ne Stroofe. Dai Saldoot küümet sau in de Bredullje. Bat soll hai maaken? Seyn Dainer hiät diän Spieß ainfach ümmedrägget. Nöi hiät hai dat Sehen, weyl hai siek doo nit mië aabefingen well, rümmedirigaiert te weeren. Un dai Saldoot? Hai is dai Blamaierte. Öbber vlichte begreypet hai doodöör, böi hai et hienekreygen kann, kurant un oone drupteschlooen, giegen seyne Drangsalaier uptemucken. Bai wait?


Die hochdeutsche Übertragung liefern wir bald nach. Fürs erste aber möchten wir diese
plattdeutsche Geschichte als eine kleine Nuß anbieten, die es zu knacken gilt. Dann kann es einem Spaß machen. Unser Tip: Laut vorlesen. R. H. macht das mit holländischen Texten so, die versteht er dann mit einem Schmunzeln.

Dieser Beitrag wurde unter Allgemein abgelegt und mit , , , verschlagwortet. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.